Shekarashylar Reseıge 20 tonna benzındi jasyryp ótpek bolǵan qazaqstandyqty ustady

ASTANA. QazAqparat - Pavlodar shekara otrıadynyń «Sharbaqty avto» kóliktik-shekaralyq baqylaý bólimshesi qyzmetkerleri qujat boıynsha mazýt dep tirketip, Reseıge benzın apara jatqan qazaqstandyqty ustady, dep habarlady QR UQK ShQ baspasóz qyzmetinen.

Pavlodar shekara otrıadynyń «Sharbaqty avto» kóliktik-shekaralyq baqylaý bólimshesinde keshe, keshki saǵat 20.22-de elimizden Reseıge qaraı tsısterna tirkemeli «Dzefang» avtokóligimen ketip bara jatqan 49 jastaǵy qazaqstandyq azamat ustaldy. Ustalý sebebi - onyń júgi qujat boıynsha - 20 tonna mazýt dep kórsetilgen. Tekserý barysynda onyń alyp bara jatqany mazýt emes, benzın ekendigi anyqtaldy.

Ustalǵan azamat júgimen birge Sharbaqty aýylyndaǵy Іshki ister bólimine tapsyryldy.