Shekarashylar kúnine arnalǵan patrıottyq taqyryptaǵy vıdeo jarııalandy
Eske sala ketsek, 1992 jylǵy 18 tamyzda Qazaqstan Respýblıkasy Prezıdenti Jarlyǵyna sáıkes, Shyǵys shekara okrýgi negizinde Qazaqstan Respýblıkasy Shekara áskeri quryldy.
«Shekara qaýipsizdigi – Qazaqstan Respýblıkasy ulttyq qaýipsizdiginiń ajyramas bóligi. Ony júzege asyrýshy – Shekara qyzmeti, Ulttyq qaýipsizdik komıtetiniń quramdas bóligi retinde memleketimizdiń ekonomıkalyq jáne saıası múddelerin kúzetedi.
Memlekettik ıdeologııamen qarýlanyp, zamanaýı áskerı tehnıkamen jáne quraldarmen jabdyqtalǵan shekara saqshylary elimizdiń qasıetti shebin kúzetý mindetin laıyqty túrde atqarýda», delingen habarlamada.
QR UQK ShQ baspasóz qyzmetiniń málimetinshe, shekarashylardyń búgingi býyny batyr babalarymyzdan mura bolyp qalǵan ar-namysqa daq túsirmeı, jaýyngerlik dańq pen qaharmandyq dástúrlerdi abyroımen arqalap, odan ári molaıtyp, transshekaralyq qylmysqa, esirtki tasymalyna, halyqaralyq lańkestik pen ekstremızmge, zańsyz mıgranttar men eldiń aýmaqtyq egemendiginiń buzylýyna senimdi tosqaýyl qoıyp keledi.
