Shekarashylar kóshi-qon zańdylyǵyn buzǵan AQSh-tyń, Túrkııanyń jáne Koreıanyń azamattaryn ustady
ASTANA. QazAqparat - Ótken táýlik ishinde qazaqstandyq shekarashylar Qazaqstan Respýblıkasynyń kóshi-qon zańdylyǵyn buzǵan sheteldiń 43 azamatyn ustady, dep habarlady QR UQK ShQ baspasóz qyzmeti.
Atap aıtqanda, olardyń arasynda «Astana» (aeroport) shekaralyq baqylaý otrıadynyń narıady «Astana-Ábý-Dabı» baǵytynda ushqaly turǵan «EÚ295» reısine shekaralyq baqylaý jasaý kezinde elimizden belgilengen ýaqytta shyǵýǵa asyqpaǵan AQSh azamatyn ustady.
Sondaı-aq, «Almaty» shekaralyq baqylaý otrıadynyń narıady "Almaty-Seýl" baǵytyndaǵy «KS-909» reısine shekaralyq baqylaý jasaý kezinde kóshi-qon polıtsııasynda tirkelýdi jón sanamaǵan Ońtústik Koreıa azamatyn ustaýǵa májbúr boldy.
Elimizdiń soltústigindegi "Kyzyl Jar" baqylaý-ótkizý beketiniń shekarashylary (Soltústik Qazaqstan oblysy, qazaqstandyq-reseılik shekara) "Astana-Kazanskoe" baǵytynda ketip bara jatqan "Mersedes" avtokóligine shekaralyq baqylaý jasaý kezinde elimizde zańsyz júrgen Túrkııa Respýblıkasynyń 3 azamatyn ustady.
Barlyq ustalǵan azamattar QR Ákimshilik-quqyqbuzýshylyq kodeksiniń 517 baby boıynsha ákimshilik jaýapkershilikke tartyldy.
