Shekarashylar Qazaqstannyń syrtqy shekarasyn qorǵaý boıynsha keshendi sharalardy qabyldaýda aýqymdy jumysty atqarýlary tıis - N. Jolamanov
ASTANA. 2 aqpan. QazAqparat - QR UQK tóraǵasynyń orynbasary- Shekara qyzmetiniń dırektory, general-leıtenant Nurlan Jolamanov 1-2 aqpanda óńirlik «Shyǵys» basqarmasynyń shekara qurylymdaryna jáne Ortalyqqa baǵynatyn bólimderde boldy, dep habarlady QR UQK ShQ-niń baspasóz qyzmeti.
Ol sondaı-aq Qarasaı shekara jasaǵynyń ýchaskesinde bolyp, «Býrgan» jáne «Fabrıkalyq» jańa úlgilik shekara zastavasy qurylysynyń barysymen tanysty.
Vedomstvo basshysy Almaty garnızony áskerı bóliminiń jeke qurylymyna Elbasy N.Á. Nazarbaevtyń jýyrda quqyq qorǵaý organdarynyń basshylyq quramymen ótken keńeste Shekara qyzmetine júktegen mindetterin jetkizdi. Qyzmettesteriniń aldynda sóz sóılegen N. Jolamanov shekarashylar Qazaqstannyń syrtqy shekarasyn qorǵaý boıynsha keshendi sharalardy qabyldaýda, shekara qyzmetin nyǵaıtý jáne reformalaý, barlyq jeke qurylymdy kezekten tys attestattaýdan ótkizý jáne ShQ damýynyń keshendi josparyn ázirleý, 2020 jylǵa deıin memlekettik shekarany abattandyrý boıynsha aýqymdy jumystardy atqarýlary tıis ekendigin atap ótti.
Sapardyń qorytyndysymen QR UQK Shekara qyzmetiniń dırektory, general-leıtenant N. Jolamanov anyqtalǵan kemshilikterdi joıý jáne Shekara qyzmetiniń qurylymdary men bólimderiniń qyzmettik-jaýyngerlik qyzmetin odan ári jetildirý jóninde nusqaýlar berdi.
