Shekarashylar esirtkini kontrabandalyq jolmen alyp ótýdiń aldyn aldy

TÚRKІSTAN. QazAqparat - QR UQK ShQ Túrkistan oblysy boıynsha departamenti «Jibek joly» ótkizý pýnktinde Qazaqstan Respýblıkasyna esirtki quraldaryn kontrabandalyq jolmen adam denesinde alyp ótý faktisiniń kezekti ret aldyn aldy, dep habarlaıdy QazAqparat QR UQK baspasóz qyzmetine silteme jasap.

26 qańtar kúni ótkizý beketindegi kirý baǵytyndaǵy zalda «Rejımdi baqylaý» shekara jasaǵy «Lında» qyzmettik ıtin paıdalana otyryp, Qazaqstan Respýblıkasynyń azamatyn ustady. Onyń denesinen quramynda ósimdik tektes esirtki zaty tabyldy. Júrgizilgen saraptamaǵa sáıkes alynǵan zat salmaǵy 236 gr «shıki apıyn» ekeni anyqtaldy, ol asa iri mólsher bolyp tabylady.

Osy fakt QR QK 286-baby 2-bóligi 5-tarmaǵy boıynsha SDTBT-da tirkeldi.