Shekarashylar elimizden qyrǵyz jerine qaraı jol tartqan spırt arnasyn anyqtady

Bul týraly QR UQK Shekara qyzmetiniń baspasóz qyzmeti habarlady.

Naqtyraq aıtqanda, Qordaı shekara jasaǵyna qarasty «Sortóbe» zastavasynyń shekarashylary memlekettik shekaradan 200 shaqyrym jerden dıametri 40 mm bolatyn, birneshe metrge sozylǵan qubyrshekti anyqtady.

Spırt qubyryn kontrabandashylar jer astymen júrgizip, onyń ústin shóp-shalammen, tastarmen jasyrǵan. Qubyrshek Sortóbe aýylyndaǵy bir úıdiń aýlasynan bastalǵan. Úı ıesiniń aıtýyna qaraǵanda, atalǵan aýlany R. esimdi áldebir bóten adam jaldaǵan eken.

Qazirgi ýaqytta qubyrshektiń 5 metri jerden qazyp alyndy.

Atalǵan derek boıynsha quqyq qorǵaý organdary habarlandyryldy, materıaldar Qordaı aýdandyq qarjy polıtsııasyna berildi.

Tergeý amaldary júrgizilýde.