Shekarashylar bóten qujatpen jáne jalǵan vızamen júrgen sheteldikterdi ustady
Taraz shekara jasaǵynyń «Sypataı batyr-avto» bólimshesinde bóten bireýdiń qujatyn paıdalanyp shekaradan ótpek bolǵan qyrǵyzstandyq áıel ustaldy. Túngi saǵat 03.45 shamasynda shekaradan ótýge kelgen áıel shekarashylarǵa 1992 jylǵy Farıda esimdi Qyrǵyz azamatynyń tólqujatyn usynǵan. Alaıda, teksere kele ol 1983 jyly týǵan Qyrǵyz azamaty Elnýra bolyp shyqty. Shekaralyq ókilder kezdesýi uıymdastyrylyp, áıel eline qaıtaryldy.
Atalǵan jasaqtyń «Grodekovo» zastavasynyń aýmaǵynda shekarashylar túngi 23.00 shamasynda qyzmettik ıttiń kómegimen, Qyrǵyz Respýblıkasynan bizdiń elge qaraı memlekettik shekarany buzyp ótýge árekettenip jatqan jasy 17 shamasyndaǵy qyrǵyz azamatyn ustady. Aıtýyna qaraǵanda, túnniń jarymynda ózge memlekettiń aýmaǵyna zańsyz jolmen ótpek bolǵan sebebi - «ákesiniń ashýyna tıip alyp, taıaq jeýden qorqyp qashqan». Anyq-qanyǵyn anyqtaý úshin bozbala Assy aýdandyq polıtsııa bólimine tapsyryldy.
Almaty qalasyndaǵy halyqaralyq áýejaıda shekarashylar «Almaty-Bishkek» baǵytymen ushqaly turǵan KS-109 áýe reısinen 1983 jyly týǵan Aýǵanstan azamatyn ustady. Ustaýǵa sebep bolǵan - Kanadanyń qoldan jasalǵan vızasy.
Saryaǵash shekara jasaǵynyń «Qaplanbek» shekara zastavasy aýmaǵynda saǵat túngi 22-ler shamasynda tún qarańǵylyǵyn paıdalanyp memlekettik shekarany buzyp, bizdiń elge ótpek bolǵan jasy 40-tar shamasyndaǵy Ózbekstan azamaty ustaldy. Ustalǵan azamattyń kim ekenin jáne qandaı maqsatpen júrgenin Saryaǵash aýdandyq polıtsııa bólimi anyqtap jatyr.
