Shekarashylar bir táýlikte 70-ten astam shekara buzýshylardy anyqtady
ASTANA. QazAqparat - Arnaıy ótkizilip jatqan «Nelegal-2014» jedel-saýyqtyrý is-sharasynyń barysynda qazaqstandyq shekarashylar bir táýliktiń ishinde 70-ten astam shekara buzýshylardy anyqtady. Olardyń 12-si Qyrǵyz, 60-qa jýyǵy Ózbekistan, al 2-ýi Reseı azamaty bolyp shyqty, dep habarlady QR UQK Shekara qyzmetinen.
«Nelegal-2014» arnaıy jedel-saýyqtyrý is-sharasynyń (AJSІ) II kezeńi 22 qyrkúıekte bastaldy.
Arnaıy is-shara Ujymdyq qaýipsizdik kelisimsharty uıymy keńesiniń sheshimine sáıkes ótkizilip otyr. Onyń maqsaty - bóten memleketterden keletin zańsyz kóshi-qon úrdisin boldyrmaý, ujymdyq qaýipsizdik kelisimsharty uıymyna kiretin elderdiń aýmaǵynda adam saýdasyna myqtap tosqaýyl qoıý. Atalǵan is-sharaǵa QR Іshki ister mınıstrligi men Ulttyq qaýipsizdik komıtetiniń qurylymdary qatysýda. Jalpy, is-shara bastalǵan ýaqyttan beri qazaqstandyq shekarashylar elimizde bolý tártibin buzǵan jalpy sany 230-dan asatyn adamdy ustady.
