Shekarashylar aýdarylǵan avtobýstan jolaýshylardy aman alyp qaldy
ASTANA. QazAqparat - «Shymkent - Almaty» baǵytynda kele jatqan jolaýshylar avtobýsy «Aqsý» shekara zastavasynyń mańaıynda apatqa ushyrady, dep qabarlaıdy QR UQK Shekara qyzmetiniń baspasóz qyzmeti.
Jol shetinde aýdarylyp jatqan avtobýsty baıqaǵan Taraz shekara otrıadyna qarasty «Qarataý» zastavasynyń shekarashylary birinshi bolyp kómekke keldi.
Beket bastyǵy leıtenant Talapjan Saǵadatuly bir top áskerı qyzmetshilerdi bastap apat ornyna jetti. Alǵashqylardyń biri bolyp jedel kómek shaqyrtty.
Jedel járdem kóligi kelgenshe shekarashylar tóńkerilgen avtobýstan jolaýshylardy shyǵaryp, olarǵa alǵashqy medeıtsıanalyq kómek kórsetti.
Abyroı bolǵanda, asa qatty zardap shekken eshkim bolmady. Jolaýshylar jeńil-jelpi dene jaraqattaryn alypty.
