Shekarashylar áskerı ant qabyldady
ASTANA. 14 jeltoqsan. QazAqparat - Qazaqstan Respýblıkasy táýelsizdiginiń 22 jyldyǵy qarsańynda Ulttyq qaýipsizdik komıtetiniń Shekara qyzmetinde jas sarbazdardyń áskerı ant qabyldaý rásimi bolyp ótti.
«Shekara qyzmetiniń qatary bıylǵy 2013 jyldyń kúzinde shaqyrylǵan eki jarym myńǵa jýyq jigittermen tolyqty, olar endi Memlekettik shekarany qorǵaıtyn tolyqqandy saqshylarǵa aınaldy. Bul kún jas sarbazdardyń ata-analary, týystary men jaqyndary úshin de este qalatyn sát bolyp tabylady - sebebi Qazaqstan Respýblıkasy azamatynyń ózindik derbes ómiri bastaldy»,-delingen QR UQK ShQ baspasóz qyzmetiniń málimetinde.
Qurmetti qonaqtar jas sarbazdardy búgingi merekelerimen quttyqtady, al árbir áskerı bólim sarbazdardyń qyzmeti jáne turmysymen jaqynyraq tanystyrý maqsatynda olardyń týǵandary men jaqyndary úshin ashyq esik kúnin ótkizdi.
