Shekarashylar 80 dana GPS-navıgatorlaryn zańsyz alyp ótpek bolǵan azamattyń jolyn kesti
ASTANA. QazAqparat - Qazaqstandyq shekarashylar 80 dana «Trakıng-Pıvaıs» atalatyn GPS-navıgatorlaryn zańsyz alyp ótpek bolǵan azamattyń jolyn kesti. Bul týraly QR UQK ShQ baspasóz qyzmetinen habarlady.
Elimizdiń shyǵysyndaǵy «Qorǵas» baqylaý-ótkizý beketiniń baqylaýshylary 7 qorapqa salynǵan, jalpy sany 80 dana bolatyn «Trakıng - Pıvaıs» atalatyn GPS-navıgatorlaryn jasyryn áketip bara jatqan 39 jastaǵy Qazaqstan azamatyn ustady. «Úrimshi - Almaty» baǵytyndaǵy avtobýspen kele jatqan azamattyń atalǵan zattardy alyp ótýge qajetti qujattary joq bolyp shyqty.
Atalǵan derek boıynsha quqyqqorǵaý organdary habarlandyryldy. Tergeý amalary bastaldy.
