Shekarashylar 41 jastaǵy qazaqstandyq áıeldiń kóliginen oq-dári taýyp aldy

QORǴAS. QazAqparat - Qorǵastyq shekarashylar 41 jastaǵy qazaqstandyq áıeldiń kóliginen oq-dári taýyp aldy, dep habarlaıdy QazAqparat Shekara qyzmetine silteme jasap.

Keshe kúndizgi saǵat 10:30 shamasynda Halyqaralyq shekara boıy yntymaqtastyǵy ortalyǵynyń aýmaǵyna jekemenshik «TOYOTA PRADO» avtokóligimen kirmekshi bolǵan 41 jastaǵy qazaqstandyq áıel ustaldy.

«Álgi áıeldiń mashınasyn qyzmettik ıtpen teksergen kezde kóliktiń oń jaq esiginiń qýysynan 7,62*39 mm kalıbrli 13 dana oq tabyldy. Oqtyń shyǵarylǵan ýaqyty kórsetilmegen. Avtokólik mórlenip, keden qyzmetiniń turaǵyna, kúzetke qoıyldy. Іstiń jaı-japsaryn Almaty oblysynyń Panfılov aýdandyq polıtsııa bólimi tekserip jatyr» delingen habarlamada.