Shekarashylar 31 tonna spırt tıelgen eki júk kóligin ustady - QR UQK
ASTANA. 22 shilde. QazAqparat - QR Ulttyq qaýipsizdik komıteti Shekara qyzmetiniń «Ońtústik» aımaqtyq basqarmasy «Qordaı» shekara zastavasynyń ýchaskesinde, memlekettik shekaradan 200 metrdeı jerden tirkemeleri bar MAZ jáne KamAZ eki júk kóligine mingen Qazaqstannyń tórt azamatyn ustady,
dep habarlady vedomstvonyń baspasóz qyzmetinen.
Júk kólikterinen jalpy salmaǵy 31 tonna spırt tabyldy. Spırt tıelgen kólikterdi shekarashylar, jeke fermanyń aýmaǵynda ornalasqan rezervýarǵa spırt quıyp jatqan kezde ustady.
Tárkilengen spırttiń qandaı maqsatqa arnalǵanyn Qordaı aýdandyq qarjy polıtsııasynyń qyzmetkerleri anyqtaýda, olar qazir tergeý amaldaryn júrgizip jatyr.
