Shekarashylar 3 tsentner kontrabandalyq taýardyń jolyn kesti
ASTANA. QazAqparat - «Jaǵalaý kúzeti» shekarashylary júrgizgen arnaıy jedel aldyn alý sharasy barysynda bir táýlik ishinde 2 myń metrge jýyq aý tabylyp, tárkilendi, dep habarlady QR UQK Shekara qyzmetiniń baspasóz qyzmetinen
Sonymen qatar teńiz shekarashylary bekire tuqymdas 30 balyq pen 12 ıtbalyqty tárkiledi.
Aqtóbelik shekarashylar da brakonerlerdi quryqtady. «Jaısań avto» ótkizý pýnktinde olar Reseıge zańsyz 24 bas iri qarany alyp ótpek bolǵan Qazaqstannyń eki azamatyn ustady.
Sondaı-aq olar halyq tutynatyn úsh tsentner kontrabandalyq taýardyń jolyn kesti. «Bishkek-Máskeý» baǵytyndaǵy poıyz vagondarynyń birinde Qyrǵyzstan azamatshasy Reseıge 1,5 tonna kıim-keshek alyp ótpek bolǵan. Poıyzdyń basqa vagonynan osyndaı júkpen onyń taǵy eki sybaılasy ustaldy.
