Shekarashy Vladıslav Chelahqa qatysty sot-psıhıatrııalyq saraptama nátıjesi daıyn
ASTANA. 25 shilde. QazAqparat - «Shekarashy Vladıslav Chelahqa qatysty sot-psıhıatrııalyq saraptama nátıjesi daıyn ekendigin onyń qorǵaýshysy Tólegen Berliqojanov málim etti»,
- dep jazady «Vremıa» gazeti búgingi sanyndaǵy «Taınoe skoro stanet ıavnym» degen taqyryptaǵy maqalasynda.
Basylymnyń atap ótýinshe, saraptama dúısenbi kúni daıyn bolǵan. Degenmen onyń nátıjesi áli jarııalanǵan joq.
«Men dúısenbi kúni isti júrgizetin tergeýshimen sóılesip, birqatar saýal qoıdym. Ol sál keıinirek V.Chelahpen kezdestiretinin málimdedi. Saraptama qorytyndysyna qatysty aıtar bolsam, ony tergeýshi bizge tanystyrýy kerek. Biraq qashan ekeni belgisiz», - deıdi kúdiktiniń advokaty.
Qorǵaýshy saraptama qorytyndysy daıyn bolǵan kezde ony qoǵam nazaryna usynýǵa ázir ekendigin aıtty. «Menińshe, bul birneshe kúnniń ishinde bolady», - dedi T.Berliqojanov.
