Shekarashy-ofıtser qarııalardyń ómirin saqtap qaldy
ASTANA. 18 qarasha. QazAqparat - QR UQK Shekara qyzmetiniń 2088 áskerı bólimine qarasty «Qorǵas» shekaralyq baqylaý otrıadynyń aǵa baqylaýshysy Rınat Qonaevtyń keshki segizder shamasynda qyzmetten kelip, keshki asyn ishe bastaǵany sol edi, joǵarǵy qabattan kómek surap, aıqaılaǵan áıeldiń daýsyn estidi. Ofıtser esikti ashqanda podezdiń qara tútinge tolyp ketkenin kórdi.
Aǵa leıtenant, tez arada qaı páterden daýys shyqqanyn anyqtap, solaı qaraı júgirdi. Esikti syndyryp ishke kirgen kezde, otqa oranǵan páterden óz erkimen júre almaıtyn múgedek áıeldi kóredi.
Rınat múgedek áıeldi kóterip alyp, syrtqa bettedi.
Órtti sóndirý kezinde kórshiles páterde es-tússiz jatqan taǵy bir keıýana tabyldy. Shekarashy ol kisini de alyp shyǵyp, órtti sóndirýge kiristi. Jedel jetken aq halatty abzal jandar da zardap shekkenderge alǵashqy medıtsınalyq kómekterin kórsetti. QR TJM qyzmetkerleri kelgen kezde órt te sóndirilgen bolatyn.
Osylaısha, 2088 áskerı bóliminiń shekarashy-ofıtseriniń jyldam da saýatty qımylynyń arqasynda turǵyndar aman qalyp, órt te sóndirildi.
Qazirgi ýaqytta órtten zardap shekken áıelderdiń jaǵdaıy qanaǵattanarlyq. Ómirlerin qutqaryp qalǵan Rınatqa olardyń alǵysy sheksiz. Bul týraly QR UQK ShQ baspasóz qyzmetinen habarlady.
