Shekarashy ofıtser eki balany qutqardy
ASTANA. QazAqparat - Keshe, 23 mamyrda shekarashy, maıor Maqsat Rysdaýletov túski astan kele jatyp, jol boıyndaǵy kóp qabatty úıdiń tórtinshi qabatynan shyǵyp jatqan órtti baıqaıdy. Tútin arasynan terezeni urǵylap turǵan eki kishkentaı - bir qyz ben bir er balany da ańǵarady.
Oılanýǵa ýaqyt joq, shekarashy júgirip tórtinshi qabatqa kóterildi. Kelse esik jabyq. Ary-beri julqylap kórip edi, esiktiń ashylar túri baıqalmaıdy. Amalsyzdan kórshilerdiń esigin qaǵyp shyqty. Esigin ashqan bir kórshige órt bolyp jatqandyǵyn, esiktiń ashylmaı turǵandyǵyn, órt ishinde eki balanyń qalǵandyǵyn, múmkin bolsa balkon arqyly ótkisi keletindigin aıtady. Mundaı kezde kim qarsy bolsyn, kórshi kelisimin berisimen, shekarashy ofıtser balkon arqyly ótip, órttiń arasynan balalardy izdep taýyp, olardy balkonǵa alyp shyqty. Sóıtti de ózi órt mashınasy kelgenshe tilsiz jaýdy óshirýge kiristi.
Arada sút pisirimdeı ýaqyt ótkende balalardyń anasy da kelip, esikti ashty. Aman-saý otyrǵan balalaryn kórgende anasynyń qýanyshynda shek bolmady. Shekarashy ofıtserge alǵys jaýdyrdy ol, dep habarlaıdyQR UQK ShQ baspasóz qyzmeti.
