Shekarany zańsyz kesip ótken RF-nyń 36 jastaǵy azamatshasy ustaldy

ASTANA. QazAqparat - Aqtóbe stantsııasyndaǵy ishki ister jelilik basqarmasynyń Jaısan stantsııasyndaǵy jelilik polıtsııa bólimi basqa da quqyq qorǵaý qurylymdarynyń qyzmetkerlerimen birlesip, «Almaty-Moskva» baǵytyndaǵy jolaýshylar poıyzynda Reseı Federatsııasynyń azamatshasyn ustady, dep habarlaıdy Kóliktegi ІІD baspasóz qyzmeti.

Qujattardy tekserý barysynda 36 jastaǵy áıel 2012 jylǵy 23 sáýirde 48 jastaǵy nemere ápkesiniń atyna Qazaqstan Respýblıkasynan berilgen jeke kýálikti kórsetken. Onyń QR QK-niń 330-babyna sáıkes Qazaqstan Respýblıkasynyń Memlekettik shekarasyn ádeıi zańsyz kesip ótkendigi anyqtaldy.

Ustalǵan azamatsha Almaty stantsııasynan Oral stantsııasyna deıin osy qujatpen júrip bara jatqandyǵyn aıtqan.

Qazirgi ýaqytta tergeý amaldary júrgizilýde.

Aıta keteıik, jyl basynan beri kólik polıtseıleri kóshi-qon zańyn buzý boıynsha 35 qylmystyq is qozǵaǵan, onyń 14-i Memlekettik shekaradan ádeıi zańsyz kesip ótýge qatysty (QR QK 330-baby).