Shekarany baqylaý qyzmeti shtattyq rejımde jumys istep tur
NUR-SULTAN. QazAqparat – Shyǵys Qazaqstan oblysyndaǵy Baqty keden beketi basshysynyń orynbasary Erbol Nuralın kedendegi jaǵdaıdy baıandady, dep habarlaıdy QazAqparat.
«Qazirgi ýaqytta Baqty keden beketinde koronavırýs boıynsha jaǵdaı turaqty. Búgin 20 aqpandaǵy málimetke sensek, Qytaı Halyq Respýblıkasynan keden beketi arqyly bir ǵana júrgizýshi ótti. Basqa QHR nemese QR azamattary shekaradan ótkizilgen joq», - dedi E. Nuralın.
Óz kezeginde Baqty aýyldyq okrýginiń ákimi Almas Chýshekov halyq arasynda esh túsinispeýshilik bolmaǵanyn aıtty.
«Baqty aýyldyq okrýgi boıynsha Koron a vırýs ınfektsııasynyń Qytaıda órship jatýyna baılanysty halyqqa túsindirý jumystary júrip jatyr. Qazirgi ýaqytta aýyl halqynda esh túsinispeýshilik faktileri tirkelgen joq. Aýyl halqy qazir tynysh. Atqarylyp jatqan is-sharalarǵa túsinistikpen qaraýda», - dedi ákim.
Sonymen birge, QazAqparat Maıqapshaǵaı keden beketinde túsirilgen beınejazbany jarııalaıdy.
Aıta keteıik, buǵan deıin oblys ákimdigi Zaısan aýdanyndaǵy aýrýhanalarǵa koronavırýs juqtyrǵan Qytaı azamattary jatqyzylady degen aqparattyń jalǵan ekenin málimdegen edi.
«Qytaımen eki aradaǵy shekara jabyldy. Sol úshin barlyqtaryńyzdy sabyrǵa shaqyramyn. Al sol elden kelgen bizdiń 5 azamatymyz oqshaýlanyp, karantınge jatqyzylady. 3 kúnnen keıin Zaısanǵa taǵy kelip jaǵdaıdy baqylaımyn», - dedi Danıal Kenjetaıuly.
Densaýlyq saqtaý mınıstri Eljan Birtanov ta Zaısandaǵy jaǵdaıǵa qatysty pikir bildirdi.
