Shekaranyń shebinde qansha qazaqstandyq turyp jatyr
ASTANA. KAZINFORM – Keıingi 10 jyldyń ishinde Qazaqstan kartasynan 572 aýyl joıylǵan. Aldaǵy 3 jylda olardyń qataryna taǵy 546 aýyl qosylýy múmkin. Bul týraly Ulttyq ekonomıka mınıstrliginiń Kazinform saýalyna joldaǵan jaýabynda aıtylǵan.

— 2024 jylǵy 1 qańtardaǵy jaǵdaı boıynsha respýblıkada 219 strategııalyq aýyldyq eldi meken bar, halyq sany 142,8 myń adamdy quraıdy, — dep jazylǵan jaýapta.
Olardyń ishinde eńbekke jaramdy halyqtyń úlesi — 51,4%, kámeletke tolmaǵan balalar — 31%, zeınetkerler — 13%.
— Qazirgi tańda ýákiletti memlekettik organdar shekaralas aýdandardaǵy, ekstrımaldy tabıǵı-klımattyq jaǵdaılary bar shalǵaı aımaqtar turǵyndary úshin jalaqyǵa ústemaqy engizý jáne eńbek ótilin esepteý boıynsha arnaıy normalardy engizý máselesin qarastyrýda, — delingen resmı málimette.
Jalpy shekaralyq aýyldyń halqyna aılyǵy men zeınetaqysyna, áleýmettik tólemderine ústemeaqy tólenýi múmkin degen málimet talaıdan beri aıtylyp keledi.