Shekaralas aımaqtardaǵy eldi mekenderdi Qazaqstannyń arnalarymen tolyq qamtamasyz etý qajet - Májilis depýtaty
ASTANA. 7 qarasha. QazAqparat - Búgin Qazaqstanda sandyq telearnany engizý máseleleri boıynsha Parlament Májilisiniń áleýmettik-mádenı damý komıtetiniń otyrysynda elimizdiń keıbir shekaralar aımaqtarynda Qazaqstandyq telearnalarmen qamtylmaǵan eldi mekenderdiń máselesin sheshý jaıy kóterildi.
«Ótken jyly Ońtústik Qazaqstan oblysyndaǵy Saryaǵashqa barǵanymyzda Qazaqstannyń telearnalary kórsetilmeıdi, tek qana Ózbekstannyń kanaldaryn kórip otyrǵan ahýalǵa kýá bolǵanbyz. Osyǵan oraı eń birinshi kezekte shekaralas aımaqtardaǵy bizdiń eldi mekenderimizdi Qazaqstannyń arnalarymen qamtamasyz etýmen jumys jasaýymyz qajet. Bul jóninde qashan shekaralas óńirlerde elimizdiń telearnalary tolyq qamtylady»,- dep surady depýtat Gúlnár Seıitmaǵanbetova.
Óz kezeginde bul saýalǵa jaýap berý kezinde «QazTeleradıo» AQ Basqarma tóraǵasy Abaı Qadyrálıev bundaı jaǵdaı OQO-nyń jáne soltústik óńirlerdegi keıbir shekaralas aımaqtardaǵy shalǵaı nemese shaǵyn eldi mekenderge tán ekendigin atap ótti.
Onyń sózine qaraǵanda, qazirgi kezde bul baǵytta tıisti jumystar atqarylýda. Jospar boıynsha aldaǵy jyldary bul óńirlerdi sandyq telearnalarmen qamtý jumystary jalǵasyn tabatyn bolady.
