Shekaraǵa ıntegratsııalanǵan kedendik baqylaý tásilin engizý qajet - Toqaev

NUR-SULTAN. QazAqparat – Salyq jáne keden salasyndaǵy aqparattyq júıelerdi tolyq biriktirý isin aıaqtaý mańyzdy. Bul týraly Memleket basshysy Qasym-Jomart Toqaev Qazaqstan halqyna Joldaýy barysynda aıtty, dep habarlaıdy QazAqparat tilshisi.

«Salyq saıasatynyń tıimdi bolýy keden jumysynyń ashyqtyǵyna tyǵyz baılanysty. Salyq jáne keden salasyndaǵy aqparattyq júıelerdi tolyq biriktirý isin aıaqtaý mańyzdy», - dedi Memleket basshysy.

Sonymen qatar Prezıdent osy saladaǵy tekserýshilerge qatysty pikir bildirdi.

«Kelesi másele. Tekserýshilerdiń tym kóptigi. Olardyń teris áser etkeni belgili. Sondyqtan, shekaraǵa ıntegratsııalanǵan kedendik baqylaý tásilin engizý qajet. Kedendik rásimdeý ortalyqtary «bir tereze» qaǵıdaty boıynsha jumys isteýge tıis», - dedi Prezıdent.