Shekaraǵa áýe kemeleri keldi
ASTANA. 11 qarasha. QazAqparat - Qazaqstan Respýblıkasy UQK Shekara qyzmetiniń áskerı-kóliktik avıatsııasyna An-26 ushaǵy kelip qosyldy.
Áýe kemeleri Kıev qalasynyń avıajóndeý zaýytynda tolyq jóndeýden jáne qaıta jabdyqtaýdan ótti.
Olardyń eskirgen agregattary aýystyryldy. Qazirgi halyqaralyq talaptarǵa sáıkes jańa júıeler ornatyldy. Atqarylǵan jumystar atalǵan áýe kemesiniń jumys isteý merzimin 2020 jylǵa deıin uzartyp otyr.
Olardy Qazaqstanǵa Shekara qyzmetiniń ushqyshtary alyp keldi.
Shekara qyzmetiniń tehnıkalyq jabdyqtalýy jańa sapaly deńgeıge kóterildi. Bul el Prezıdenti - Joǵary Bas qolbasshynyń shekarashylardyń máselelerine únemi nazar aýdarýy men UQK basshylyǵynyń tehnıkalyq áleýetti arttyrýǵa degen kúsh-jigeriniń jemisi ekendigi sózsiz, sebebi, Qazaqstannyń syrtqy shebin kúzetý jáne Shekara qyzmetin nyǵaıtý men reformalaý, áskerı-jaýyngerlik qyzmetti damytý baǵytynda keshendi sharalar qabyldaý eń basty talap bolyp otyr.
Qazirgi tańda shekara qyzmetiniń avıatsııa quramy áskerı tehnıka men qarý-jaraqty oqyp-úırenip sheberlikterin shyńdaýda, dep habarlady QR UQK Shekara qyzmetiniń baspasóz qyzmeti.
