Shekaradan zańsyz túrde 4 tonna et alyp ótpek bolǵandardyń joly kesildi
ASTANA. QazAqparat - Qazaqstan men Reseı shekarasynda úlken kólemdegi - 4 tonna qus eti men mal qoı etin alyp ótpek bolǵandardyń joly kesildi, dep habarlaıdy QR UQK ShQ baspasóz qyzmetinen.
Qostanaı shekara otrıadyna qarasty «Qaıraq-avto» baqylaý-ótkizý beketiniń shekara narıady bir táýliktiń ishinde et ónimderin zańsyz ótkizýge qatysty eki derektiń jolyn kesti.
Atap aıtqanda, Reseı Federatsııasyna «GAZ» júk kóligimen ketip bara jatqan 47 jastaǵy qazaqstandyqtyń et ónimderinen shıkilik tabyldy. Onyń qujattary boıynsha kólik qorabynda salmaǵy 500 kılogramm bolatyn 25 dana týsha bolýy kerek edi. Al teksere kelgende, odan salmaǵy 1300 kg bolatyn, 65 dana qoıdyń týshasy anyqtaldy.
Osy kúni 32 jastaǵy qazaqstandyq azamat ta memlekettik shekara arqyly zańsyz túrde 3 tonna qus etin ótkizýge árekettendi. Ustalǵan azamat «Hıýndaı» avtokóligimen Qazaqstannan Reseı jerine qaraı sapar shegip barady eken.
Atalǵan derekter boıynsha quqyqqorǵaý organdary habarlandyryldy.
