Shekaradan zańsyz dári-dármek alyp ótpek bolǵan Ózbekstan azamaty ustaldy
SARYAǴASh. QazAqparat - Saryaǵash shekara jasaǵynyń qyzmetkerleri «Novosibir - Tashkent» poıyzynan jasyryn áketip bara jatqan dári-dármekti tapty, dep habarlaıdy QazAqparat Shekara qyzmetiniń baspasóz qyzmetine silteme jasap.
«Saryaǵashtyq shekarashylar «Novosibir - Tashkent» baǵytymen qatynaıtyn №370 poıyzdy tekserý barysynda qyzmettik ıttiń kómegimen 18 túrli, 2000-nan astam dári-dármekti tapty. Dárilerdiń eshqandaı ruqsat qujattary joq. Odan bólek, zańsyz ákele jatqan 582 dana gaz eseptegish qural, 500-ge jýyq qytaı pırotehnıkasy jáne 10 qorap pılorama lentasy alyndy. Kúdikti retinde 1990 jyly týǵan Ózbekstan azamaty ustaldy. Ol - osy vagonnyń jolserigi» delingen habarlamada.
Tárkilengen zattar aktilenip, Saryaǵash aýdandyq memlekettik kirister departamentine tapsyryldy.
