Shekaradan kómir shyǵarýǵa tyıym salyndy

ASTANA. QazAqparat - QR Indýstrııa jáne ınfraqurylymdyq damý mınıstrligi kómirdi avtokólikpen shekaradan shyǵarýǵa ýaqytsha shekteý engizdi, dep habarlaıdy QazAqparat mınıstrliktiń baspasóz qyzmetine silteme jasap.

Kómirdi elden tys jerlerge avtokólikpen shyǵarýǵa tyıym salý týraly 14.09.2022 jylǵy QR Indýstrııa jáne ınfraqurylymdyq damý mınıstrliginiń № 514 buıryǵy shyqty.

Ýaqytsha shekteý turǵyndar men kommýnaldyq jáne áleýmettik nysandarǵa arnalǵan kómirdiń shekaralas óńirlerge avtokólikpen tasymaldanyp, qatty otyndy kórshiles memleketterde qaıta satý úshin shyǵarylǵan faktilerdiń anyqtalýyna baılanysty engizilip otyr.

«Mınıstrliktiń bul sheshimi jergilikti kómir tıeý tuıyqtary men óńir ákimdikterimen birlesip ázirlengen. Basty maqsat – 2022-2023 jyldaryndaǵy jylý berý maýsymy kezeńinde kózdelgen mejeni oryndaý jáne eldegi kómir tapshylyǵyn boldyrmaý»,-delingen habarlamada.