Shekaradan iri mólsherde esirtki zatyn arqasyna jabystyryp ótkizbek bolǵan Reseı azamaty ustaldy
ASTANA. QazAqparat - Keshe Petropavl stantsııasyndaǵy ishki ister jelilik bóliminiń qyzmetkerleri «Novosıbırsk-Belgorod» baǵytyndaǵy jolaýshylar poezynan 39 jastaǵy Reseı Federatsııasynyń azamatyn ustady, dep habarlaıdy Kóliktegi ІІD baspasóz qyzmeti.
Tekserý barysynda odan konteıner túrinde skotchpen oralǵan 21 túıinshek tabylyp, alyndy. Kúdikti azamat olardy arqasyna japsyryp alǵan. Tárkilengen «gashıshtiń» salmaǵy 349,56 gramdy quraıdy. Bul asa iri kólemdegi esirtki zaty bolyp esepteledi.
Kúdiktiniń aıtýynsha, esirtki zatyn ol jeke basyna qoldaný úshin Jambyl oblysy Shý qalasyndaǵy belgisiz er azamattan alyp, ony RF Nefteıýgansk qalasyna alyp ketpekshi bolǵan.
Qazirgi ýaqytta QR QK 250 babynyń 4 bólimi (Óte iri mólsherde esirtki nemese psıhotroptyq zattarǵa baılanysty jasalǵan áreketter) jáne 259 babynyń 1 bólimi (Esirtki zattardy nemese psıhotroptyq zattardy ótkizý maqsatynsyz óte iri mólsherde zańsyz satyp alý, tasymaldaý nemese saqtaý) boıynsha qylmystyq is qozǵaldy.
Ustalǵan azamat Petropavl qalasyndaǵy Іshki ister basqarmasynyń ýaqytsha ustaý ızolıatoryna qamaldy.
