Shekaradan esirtki asyrmaq bolǵandar ustaldy - QR UQK ShQ
ASTANA. QazAqparat - «Soltústik» óńirlik basqarmasynyń «Semeı» tekserip-ótkizý beketine qarasty «Aýyl temirjol» kóliktik shekaralyq baqylaý beketinde 19 qazan kúni saǵat 10.50-de «Astana - Lenınogorsk» baǵytymen júretin № 376 poıyzyn tekserý barysynda shekara narıady qyzmettik ıttiń kómegimen 1989 jyly týǵan Dastan esimdi qazaqstandyq azamatty ustady. Atalǵan azamattyń syrt kıiminiń qaltasynan 20 grammnan astam, jasyl tústi, gashısh esirtkisine tán ıisi bar keptirilgen ósimdik tektes zat tabylyp, Semeı qalasy boıynsha Іshki ister basqarmasyna tapsyryldy.
Bul týraly QR UQK ShQ baspasóz qyzmeti habarlady.
Dál osyǵan uqsas jaǵdaı Qordaıda da oryn aldy. QR UQK Shekara qyzmeti «Ońtústik» óńirlik basqarmasyna qarasty Qordaı shekara otrıadynyń «Qordaı avto» kóliktik shekara baqylaý bólimshesinde keshe (19.10.15) keshki saǵat 17.45-te shekara narıadynyń arnaıy úıretilgen qyzmettik ıtiniń kómegimen kórshi elden Qazaqstan aýmaǵyna qaraı jaıaý ótip kele jatqan Almazbek esimdi 1967 jyly týǵan qyrǵyz azamaty ustaldy.
Atalǵan azamattyń shalbarynyń qaltasynan keptirilgen ósimdik tektes zat tabylyp, onyń «gashısh» esirtkisi ekendigi anyqtaldy. Aıǵaq zat ıesimen birge Qordaı aýdandyq ishki ister bóliminiń esirtkimen kúres qyzmetkerlerine tapsyryldy.
Esterińizge sala ketelik, QR Іshki ister mınıstrliginiń basqarýymen 2015 jyldyń 29 mamyrynan beri ótkizilip kele jatqan zańsyz esirtki aınalymymen kúres, esirtki daıyndaýdyń, jınaýdyń jáne tasymaldaýdyń jolyn kesý, esirtki quramdas ósimdikterdi ósirýge, kútip-baptaýǵa, quramynda esirtki bar, psıhotropty zattardy, shıkizattardy kontrabandalaýǵa qarsy birlesken operatıvti aldyn alý sharalaryna Shekara qyzmeti de tartylǵan.
Birlesken sharalardyń basynan bastap kúni búginge deıin 113 adam ustaldy. Olardyń 55-i bizdiń eldiń azamattary, 17 adam reseılikter, 1 adam ózbekstandyq, 32-si Qyrǵyz Respýblıkasynan jáne Tájikstannan - 8 adam.
Tárkilengen zattar:
Geroın - 83 kg 502 gr 892 mlgr.
Marıhýana - 1 kg 325 gr 897 mlgr.
Kendirqýraı uryǵy - 2 gramnan astam.
Gashısh - 6 kg 873 gr 985,11 mlgr.
Jabaıy kendirqýraı - 3 227 kg 200 gr
Joıylǵan kendirqýraı alqaby - 0,97 ga (50h60 m; 72h93 kóleminde 2 alqap).
