Shekaradan ekstremıstik ádebıetterdi kirgizbek bolǵan úsh qyrǵyzstandyq quryqtaldy

TARAZ. QazAqparat – Qyrǵyzstan azamattary Jambyl oblysyna ekstremıstik ádebıetterdi kirgizbekshi bolǵan. Alaıda, olar óz maqsatyna jetpeı qolǵa tústi, dep habarlaıdy QazAqparat.

Oblystyq polıtsııa departamenti baspasóz qyzmetiniń málimdeýinshe, dinı ekstremızm men terrorızm kórinisterine qarsy is-qımyl jasaý maqsatynda atalmysh departamenttiń ekstremızmge qarsy is-qımyl basqarmasynyń qyzmetkerleri júıeli jumystar júrgizýde. Nátıjesinde aǵymdaǵy jyldyń basynan beri Qazaqstan Respýblıkasynyń aýmaǵyna ákelýge jáne paıdalanýǵa sotpen tyıym salynǵan ekstremıstik mazmundaǵy 26 kitap tárkilendi.

«Ekstremızmge qarsy is-qımyl basqarmasynyń qyzmetkerleri aǵymdaǵy jyldyń sáýir jáne mamyr aılarynda Merki aýdanynda ornalasqan «Sypataı batyr» shekaralyq baqylaý pýnkti arqyly sot tyıym salǵan ekstremıstik mazmundaǵy dinı ádebıetti QR aýmaǵyna ártúrli ýaqytta kirgizbekshi bolǵan Qyrǵyzstannyń úsh azamatyn ustady», - deıdi oblystyq PD baspasóz qyzetiniń jetekshisi Gúlsara Muhtarqulova.

Ustalǵandardyń árqaısysyna ákimshilik quqyq buzýshylyq týraly kodekstiń 453-baby boıynsha ákimshilik jaza taǵaıyndaldy.