Shekaradan basqanyń atyn jamylyp ótpek bolǵan qyrǵyzstandyq azamatsha ustaldy
ASTANA. QazAqparat - Qazaqstandyq shekarashylar memlekettik shekarany basqanyń atyn jamylyp kesip ótýge árekettengen qyrǵyzstandyq azamatshanyń jolyn kesti, dep habarlaıdy QR UQK Shekara qyzmetiniń baspasóz qyzmetinen.
«Qostanaı shekara jasaǵy «Qaıraq avto» ótkizý pýnktiniń narıady «Mersedes» avtokóligimen Reseı Federatsııasyna bara jatqan Qyrǵyzstannyń 30 jastaǵy azamatshasyn ustady. Ustalǵan adam tólqujat baqylaýynan apaıynyń qujattarymen ótýge tyrysqan», delingen habarlamada.
Atalǵan fakti boıynsha quqyq qorǵaý organdary habarlandy. Zań buzýshy QR QK 1 b. 330-shy babyna sáıkes jaýapkershilikke tartylady.
