Shekaradan asyl tastardy kontrabandalyq jolmen alyp ótpek bolǵandar ustaldy

JAMBYL OBLYSY. QazAqparat – Shekaradan asyl tastardy kontrabandalyq jolmen alyp ótpek bolǵandar ustaldy, dep habarlaıdy QazAqparat UQK baspasóz qyzmetine silteme jasap.

QR UQK Shekara qyzmetiniń Jambyl oblysy boıynsha departamenti jańa úlgidegi tehnıkalyq quraldardyń kómegimen Memlekettik shekara buzýshyny ustady.

«Atalǵan shekarany buzýshy bekitilgen ótkizý orynynan tysqary jerden aınalyp ótip Qyrǵyzstannan Qazaqstanǵa qaraı kontrabandalyq jolmen deklaratsııalanbaǵan valıýta, bes rýbın jáne bir sapfır tasyn alyp ótkizbekshi bolǵan.

Quqyq buzýshyǵa qatysty Qazaqstan Respýblıkasy Qylmystyq kodeksiniń 392-baby boıynsha qylmystyq is qozǵaldy», - delingen habarlamada.