Shekaradan asa iri mólsherde esirtki quraldaryn zańsyz alyp ótpek bolǵan top ustaldy

ASTANA. KAZINFORM – Qarjylyq monıtorıng agenttigi Almaty polıtsııa departamenti sondaı-aq prokýratýramen birlesip, QR Memlekettik shekarasy arqyly asa iri mólsherde esirtki quraldaryn zańsyz ótkizbek bolǵan jasaqtyń jolyn kesti.

Jedel is-sharalardy ótkizý kezinde Almaty, Astana jáne Oral qalalarynda shetelden esirtki zattaryn alǵan adamdar anyqtalyp, ustaldy. Kúdikti top músheleri daıyndalǵan esirtkini keıin satyp, óńirlerge jetkizý arqyly halyq tutynatyn qarapaıym taýar retinde paıdaǵa asyrmaq bolǵan.

Ótkizilgen is-sharalardyń nátıjesi boıynsha shamamen 60 gr.gashısh maıy, 700 gr. marıhýana tárkilendi. Sondaı-aq Almaty qalasynda esirtki zattarynyń belgileri bar ósimdik tektes zattardy ósirýmen aınalysqan zerthana anyqtaldy, - delingen habarlamada.

Qazirgi ýaqytta sotqa deıingi tergeý júrgizilip jatyr.  

Ustalǵan tórt adam ÝUI-ǵa qamaldy. 

QR QPK 201-baby tártibinde ózge aqparat jarııa etilmeıdi.