Shekaradan altyn buıymdardy zańsyz ótkizbek bolǵan ózbekstandyq ustaldy

ASTANA. QazAqparat - Túrkııadan elimizge iri kólemdegi altyn buıymdaryn alyp qtpek bolǵan Ózbekstan azamatshasy ustaldy, dep habarlaıdy QazAqparat QR UQK ShQ baspasóz qyzmetine silteme jasap.

Kórshi eldiń azamatshasy QR UQK Shekara qyzmeti «Ońtústik» óńirlik basqarmasyna qarasty «Shymkent avıa» tekserip-ótkizý pýnktinde ustalǵan.

«Ystanbul - Shymkent baǵytyndaǵy áýe reısimen ushyp kelgen áıeldiń ózin-ózi ustaýy shekarashylarǵa kúdikti bolyp kórindi. Azamatshanyń jeke zattaryn tekserý barysynda onyń qol júginiń arasynan altyn buıymdar - 17 júzik, 24 syrǵa jáne 5 dana kýlon shyqty. Ustalý sebebi - alyp ótýge ruqsat etilgen zattar mólsherin asyrý bolyp tabylady», - delingen QR UQK ShQ baspasóz qyzmetiniń habarlamasynda.

Dál osyndaı sebeppen «Qazyǵurt» tekserip-ótkizý pýnktiniń shekarashylary Ózbekstannan bizdiń elimizge kirmekshi bolǵan úsh Shevrole avtokólikterin ustaǵan. Avtokólikterdiń júrgizýshileri Ózbekstan azamattary. Úsh avtokólikte de qymbat baǵaly jalpy sany 2480 keramıkalyq ydys-aıaqtyń tıelgeni belgili bolyp otyr. Tárkilengen zattar kedendik oryndarǵa tapsyryldy.