Shekaradan 200 lıtr dızeldi otyndy zańsyz alyp ótpek bolǵan azamat quryqtaldy
ALMATY. QazAqparat - Ótken táýlik ishinde qazaqstandyq shekarashylar 200 lıtr dızeldik otyn men 100 keliden astam sút ónimderin shekaradan zańsyz alyp ótpek bolǵan azamattardy ustady. Bul týraly búgin QR UQK Shekara qyzmetiniń baspasóz qyzmetinen habarlady.
Birinshi jaǵdaıda Qordaı shekara otrıadyna qarasty «Sortóbe» ótkizý-baqylaý beketiniń baqylaýshylary 200 lıtr dızeldi otyndy «Aýdı-100» avtokóligimen shekaradan zańsyz ótkizbek bolǵan qazaqstandyq azamatty ustady. Qazir osy oqıǵaǵa baılanysty anyqtaý jumystary júrgizilýde.
Al «Merke» jekelegen ótkizý-baqylaý beketine qarasty «Aısha-bıbi» shekaralyq baqylaý bólimshesiniń baqylaýshylary shekaradan 100 keliden astam sút ónimderin sertıfıkatsyz ótkizbek bolǵan qyrǵyz eliniń azamatyn ustady.
Bul oqıǵa boıynsha da anyqtaý jumystary júrgizilýde. Ustalǵan azamattar tıisti organdarǵa tapsyryldy.
