«Shekaradaǵy shyrǵalań ózbek pen qyrǵyzdyń qaqtyǵysyna ulasyp júrmeı me?» - respýblıkalyq basylymdarǵa sholý

***
Ótken senbide Sankt-Peterbor qalasynda QR Premer-Mınıstri Kárim Másimov pen Reseı Federatsııasy Úkimetiniń Tóraǵasy Vladımır Pýtınniń qatysýymen Keden odaǵy Joǵarǵy organynyń májilisi bolyp ótti. Osy májilis qorytyndysynda QR men RF-nyń arasyndaǵy Keden odaǵyn qalyptastyrý aıasynda halyqaralyq kelisimderdi qoldaný týraly kelisim-shartqa qol qoıyldy. Osyǵan oraı «Egemen Qazaqstan» gazetinde «El múddesine qyzmet etetin kelisim» degen taqyryppen kólemdi maqala jarııalandy. Basylym QR Premer-Mınıstriniń «Qazaqstan men Reseıdiń arasynda Keden odaǵyn qalyptastyrý tetikterine qatysty osyǵan deıin bolǵan jekelegen túıindi máselelerdiń barlyǵy sheshimin tapqandyǵyn, ortaq kelisimniń tabylǵandyǵyn qanaǵattanǵandyqpen atap kórsetemin. Eń bastysy, Qazaqstannyń ulttyq múddeleri tolyq máninde qorǵalatyn boldy» degen sózin keltirgen. Maqalanyń egjeı-tegjeıin búgingi nómirden oqı alasyzdar.

«Memleket basshysy Nursultan Nazarbaev «Enı» kontserniniń bas atqarýshy dırektory Paolo Skaronıdi qabyldady», dep jazady «Egemen Qazaqstan» gazeti QR Prezıdentiniń baspasóz qyzmetine silteme jasap. P.Skaronı Prezıdentke kontsernniń aǵymdaǵy qyzmeti men Qazaqstandaǵy jumys josparlary týraly habardar etken. Áńgimelesý barysynda «Enı» Qazaqstannyń munaıgaz salasyndaǵy iri ınvestorlardyń biri bolyp tabylatyny atap ótilgen. «Biz Qarashyǵanaq jáne Qashaǵan jobalaryna qatysty keıbir jumys tásilderin, sondaı-aq Qazaqstan Prezıdenti Nursultan Nazarbaev pen Italııa Premer-Mınıstri Sılvıo Berlýskonıdiń qatysýymen 2009 jylǵy qarashada Rımde qol qoıylǵan Ózara túsinistik týraly memorandýmnyń barlyq pozıtsııasyn talqyladyq. Bul qujat «Enı» men Qazaqstan arasyndaǵy yntymaqtastyq úshin, bárinen buryn, gaz, munaı óńdeý, munaıgaz salasynyń ózge salalaryndaǵy jobalarǵa jańa kókjıekter ashady», degen P.Skaronı jýrnalısterge arnalǵan brıfıngte.

Sondaı-aq osy basylymda QR Syrtqy ister mınıstrliginiń málimdemesi jarııalandy. Onda «Qazaqstan Gaza Sektorynyń mańynda Jerorta teńizinde bolǵan qaqtyǵys týraly habardy tereń qaıǵyrý sezimimen qarsy aldy jáne qaza bolǵandar men jaralanǵandardyń otbasylaryna kóńil aıtady. Biz Gaza Sektorynyń halqyna halyqaralyq gýmanıtarlyq kómek kórsetý qajet dep sanaımyz. Qazaqstan Respýblıkasy qaıǵyly oqıǵanyń mán-jaıyn tezirek jan-jaqty tekserýdi jaqtaıdy jáne barlyq múddeli taraptardy ustamdylyq tanytýǵa jáne shıelenisti odan ári ýshyqtyrýǵa jol bermeýge shaqyrady», delingen.

***

«Ótken jeksenbi kúni álemdik mańyzy bar oqıǵa Nıý-Iork qalasynda boldy. Mańyzdylyǵy sol, ıadrolyq qarýdy taratpaý jónindegi kelisimshartqa qol qoıǵan 189 memleket ókilderi demalys kúni BUÚU-nyń birtindep qarýsyzdaný jónindegi josparyn bekitti», dep jazady «Aıqyn» gazeti búgingi nómirinde jaryq kórgen «Nazarbaev kótergen bastamany 189 eldiń ókili qoldady» degen maqalada. Kelisimge sáıkes, ıadrolyq derjavalar retinde moıyndalǵan Ulybrıtanııa, Qytaı, Reseı, AQSh pen Frantsııa syndy memleketter josparǵa sáıkes óz arsenaldaryn azaıtý protsesin jyldamdatýy tıis. Qujatta 2012 jyly Taıaý shyǵysta ıadrolyq qarý men jappaı qyryp-joıatyn qarýdan azat aımaqty jarııalaý úshin konferentsııa ótkizý týraly úndeý jarııalanǵan.

Osy basylymnyń turaqty «Aq sóıle!» aıdarynyń seısenbilik qonaǵy - revmotolog, Býyn aýrýlary klınıkasynyń dırektory, medıtsına ǵylymynyń kandıdaty Ǵalymjan Toǵyzbaev. Ekeýara áńgime barysynda býyn aýrýlaryn emdeý tásilderi, emdeý barysynda qoldanylatyn ozyq tehnologııalar,sala mamandarynyń biliktiligi, emdeý quny syndy ózekti máseleler qozǵalǵan. Suhbattyń tolyq nusqasyn basylymnyń búgingi nómirinde jaryq kórgen «Býyn aýrýlary - HHІ ǵasyrdyń negizgi indetteriniń biri» degen taqyrypta oqı alasyzdar.

***

«Alash aınasy» gazetiniń búgingi sanynda «Áıeldiń temeki tartqany, urpaqtyń qasiret tartqany» degen taqyrypta maqala basyldy. Onda bıyl temekiden bas tartý kúniniń atalyp ótip kele jatqanyna 22 jyl ótse de, álem boıynsha temekiden bas tartqandardan góri, onymen dostasqandar sanynyń artyp kele jatqany aıtylǵan. Basylymnyń jazýynsha, mamandardy ásirese sońǵy jyldary temekige qyz-kelinshekterdiń qyzyǵýshylyǵynyń artyp bara jatqany alańdatýda. Osyǵan oraı, atalǵan uıym bıylǵy jumystarynda qoǵam nazaryn temekiniń qyz-kelinshekter men áıelderdiń densaýlyǵyna tıgizer zııanyna arnamaq. Bul búginde áıelderdiń temeki qumarlyǵyna álem nazaryn aýdaryp otyrǵanynyń belgisi. Temekiniń munsha keń taraýyna onyń baǵasynyń arzan bolýy, ónimdi ótkizýdiń álemdik keń taraǵan tájirıbesiniń qalyptasýy, adamdar arasynda temeki qaýpine baılanysty habardarlyqtyń tómendigi, temekini tutynýǵa qarsy baǵyttalǵan memlekettik saıasat josparynyń bolmaýy sebep bolyp otyr.

Sondaı-aq osy basylymnyń órkenıet betinde jarııalanǵan «Babaı» terbegen besik» atty maqalada búgingi besik balasynyń áldı ániniń ornyna batystyń dańǵaza áýenin tyńdap uıyqtaıtynyn aıta kelip, áldı tyńdamaǵan balanyń erteńine alańdaýshylyǵyn bildiredi. «Baýyrjan Momyshuly: «Nemerelerine ertegi aıtatyn ájeler azaıdy, sodan qorqamyn», - degen eken. Sol sııaqty búginde «áldı, áldı» ánin aıtyp, aq besikke bóleıtin ájelerimiz azaıdy. Besik jyrynyń ne ekenin bilmeıtin analarymyz kóbeıdi. Jýyrda jas bosanǵan bir kelinshektiń úıinde boldyq. Kelin shyraq Agıleranyń atyshýly ánin aıtyp, besik terbetip otyr. Shoshynyp qaldym. «Besik jyryn bilmeısiń be» degenime, ıyǵyn qıqań etkizdi. Ózderi dıskotekada bıleıtin, hıt ánderdi aıtyp, balasyn uıyqtatyp otyr. Ókinishtisi, Batystyń dańǵaza, ý-shýly ánine qulaǵy úıir bolǵan balasy erteń qaı tilde sóılep, qaı tilde «oılar» eken?.. », dep jazady «Alash aınasy» gazeti.

«Alash aınasy» gazetiniń jazýynsha, Qyrǵyzstan men Ózbekstannyń memlekettik shekaralary toqaılasatyn tustaǵy keıbir keleńsizdikterge baılanysty resmı Bishkek «Qaıtpas» shekaralyq beketin jabý týraly sheshim qabyldasa, ózbektar jaǵy qarýly jasaǵyn ákelip otyrǵanǵa uqsaıdy. Shekaranyń jabylýy men áskerdiń shoǵyrlanýynda ne syr bar? Bul saýalǵa basylymnyń seısenbilik nómirinde jaryq kórgen «Shekaradaǵy shyrǵalań ózbek pen qyrǵyzdyń qaqtyǵysyna ulasyp júrmeı me?» degen maqaladan jaýap ala alasyzdar.

***

«Astana aqshamy» gazetiniń jazýynsha, keshe saıası qýǵyn-súrgin jáne totalıtarızm qurbandarynyń «ALJIR» memorıaldy kesheninde repressııaǵa ushyraǵandardy eske alýǵa arnalǵan shara ótken. Atalǵan jıynǵa Astana qalasy ákiminiń orynbasary Aıda Balaeva, qalalyq máslıhat hatshysy Vladımır Redkokashın jáne «Nur Otan» HDP astana qalalyq fılıaly tóraǵasynyń orynbasary Ámirhan Rahymjanov qatysyp, murajaıdyń eske alý taqtasyna gúl shoqtaryn qoıǵan.

***

«Memleket basshysy Nursultan Nazarbaev QHR Qorǵanys mınıstri Lıan Gýanleni qabyldady», dep jazady «Kazahstanskaıa pravda» gazeti QR Prezıdentiniń baspasóz qyzmetine silteme jasap. Kezdesý kezinde ekijaqty yntymaqtastyqtyń máselesi talqylanǵan. «Biz Qazaqstan men QHR qorǵanys vedomstvolarynyń budan bylaıǵy yntymaqtastyǵy máselesin jáne bizdiń elderdiń kúsh qurylymdary arasyndaǵy dostyq baılanystardy nyǵaıtýdy talqyladyq. Biz Nursultan Nazarbaevqa Qazaqstan men Qytaı arasyndaǵy strategııalyq qarym-qatynastardy damytýǵa erekshe kóńil bólgeni úshin razymyz», depti Lıan Gýanle.

«Ekspress-K» gazetiniń jazýynsha, «Nur Otan» HDP Ortalyq apparatynda kórnekti qazaqstandyq sportshylardy partııaǵa múshelikke qabyldaý rásimi ótken. Olardyń qatarynda bokstan álem chempıony Mereı Aqshalov, aýyr atletıkadan álem chempıony Svetlana Podobedova, aýyr atletıkadan álem chempıony Vladımır Sedov, taekvondodan 2008 jylǵy Olıpıada oıyndarynyń qola júldegeri Arman Shilmanov syndy elimizge tanymal sportshylar bar.