Shekaradaǵy shabýyldan Kot-d-Ivýardyń 10-ǵa jýyq sarbazy qaza tapty
ABIDJAN. QazAqparat – Beısenbi kúni belgisiz bireýlerdiń Kot-d-Ivýardyń Býrkına-Fasomen soltústik shekarasyndaǵy áskerı beketke jasaǵan qarýly shabýylynan 10-ǵa jýyq sarbaz óltirilip, taǵy altaýy jaraqattandy, delingen armııa taratqan málimdemede. Bul týraly QazAqparat Reuters agenttigine silteme jasap habarlaıdy.
Eldiń qarýly kúshter basshysynyń aıtýynsha, shabýyl jasaǵan bir adam qaza tapty. Buǵan deıin 12 sarbazdyń óltirilip, jeteýiniń jaraqattanǵany, taǵy eki áskerı jandarmnyń iz-túzsiz joǵalyp ketkeni habarlanǵan.
Shabýyl jasaýshylardyń Býrkına-Fasodan bolǵany shamalanyp otyr.
Agenttiktiń málimetinshe, óńirdegi barlyq ásker jaýyngerlik ázirlikte jáne shabýyl jasaýshylardy izdeý operatsııasy júrgizilip jatyr.
