Shekaradaǵy ótkizý beketterinde «Elektrondyq kezek» júıesi engiziledi

NUR-SULTAN. QazAqparat – Shekaradaǵy ótkizý beketterinde «Elektrondyq kezek» júıesi engiziledi. Bul týraly búgin Úkimet otyrysynda QR Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«Jasandy ıntellekt jáne kólik aǵyndaryn avtomatty basqarý tehnologııalaryn engize otyryp, ótkizý pýnktterin modernızatsııalaý kózdelip otyr. Qytaıdyń Eksımbankiniń qaryzy aıasynda Ahýaldyq ortalyq qurylysyn salý jáne 9 avto jáne 1 temir jol ótkizý pýnktin jańǵyrtý josparlanýda. «Nur joly» ótkizý pýnktiniń úlgisi boıynsha, basqa da ýchaskelerde «Elektrondyq kezek» júıesi engiziledi. Bul mobıldi qosymsha arqyly kezekke aldyn ala tapsyrys berýge múmkindik beredi», - dedi Erulan Jamaýbaev.

Onyń aıtynsha, 2021-2022 jyldary aqparattyq júıeler ońtaılandyrylyp, jańǵyrtýdan ótedi.

«Jalpy, aqparattyq júıeler sany 21-den 6-ǵa deıin qysqarady», - dedi Qarjy mınıstri.