Shekaradaǵy qarýlanǵan qaqtyǵysqa baılanysty Qyrǵyzstan SІM Tájikstanǵa eki nota joldady
BІShKEK. 13 qańtar. QazAqparat - Qyrǵyzstan Respýblıkasynyń Syrtqy ister mınıstri 2014 jyldyń 11 qańtarynda Tájikstan Respýblıkasynyń Syrtqy ister mınıstrligine Qyrǵyzstan men Tájikstan memlekettik shekarasynda áskerıler tarapynan qarý qoldanýǵa baılanysty qaqtyǵysqa qatysty eki resmı nota joldaǵandyǵyn habarlady.
Óz notasynda qyrǵyz tarapy qarý qoldanǵan tájik áskerıleriniń áreketine baılanysty alańdaýshylyq bildirgen. Shekarada bolǵan atystyń saldarynan jaralanǵandar da bar.
Qyrǵyzdar jaǵy tájik tarapyn bolǵan jaǵdaıdy birge tergep, onyń oryn alýyna sebepker bolǵandardy jaýapkershilikke tartýǵa shaqyrdy.
Ekinshi notada mınıstrlik Tájikstan tarapyn aǵymdaǵy jyldyń 11 qańtarynan bastap atalǵan jaǵdaı turaqtanǵansha Qyrǵyzstannyń qyrǵyz-tájik memlekettik shekarasyndaǵy barlyq shekaralyq jáne kedendik ótkizý beketterin jabatyndyǵy jaıly habardar etken. Bul shara Qyrǵyzstan tarapynan etnıkaralyq qaqtyǵystar men shekaralas aýdandar turǵyndarynyń qaýipsizdigin qamtamasyz etý úshin qolǵa alynyp otyr.
Eske sala keteıik, 11 qańtar kúni Batken oblysynyń Batken aýdany Aq-Saı aýylynyń mańyndaǵy bas sý taratý júıesiniń janynda Tájikstannyń shekara áskeriniń arnaıy jasaq toby men Qyrǵyzstannyń MShQ áskerı qyzmetkerleri arasynda eregis týyndap, onyń sońy 1 saǵatqa jalǵasqan atysqa ulasty. Saldarynan eki jaqtan da jaralanǵandar bar.
Qyrǵyzstannyń Memlekettik shekara qyzmetiniń nusqasy boıynsha, atysty negizsiz túrde birinshi tájik shekarashylary bastaǵan, olar qaqtyǵys kezinde mınomet qoldanǵan.
Birqatar Qyrǵyzstan BAQ-tary dúısenbi kúni qaqtyǵys oryn alǵan jerden túsirilgen sýretterdi jarııalady.
