Shekaradaǵy beketterde elektrondy kezek júıesi bolady
«Jalǵan tranzıt pen taýardy jalǵan mekenjaılarǵa jetkizýge jol bermeý maqsatynda avtokólik quraldaryna navıgatsııalyq plombalardy salý tájirıbesi keńeıip keledi. Salyq tóleýdi qamtý úshin ımporttan bólshek saýdada ótkizýge deıingi barsha tizbekke baqylaý engiziledi. Bul turǵyda taýarlarǵa elektrondy júk qujatyn rásimdeý eskerilgen. EAEO elderi ókiletti organdarymen taýarlardyń kólemi men quny týraly aqparat almasý qamtamasyz etilip otyr», - mınıstr.
Sonymen qatar ol zańsyz taýar aınalymymen kúreske baǵyttalǵan basqa da sharalar júzege asyrylatynyn aıtty.
«Jasandy ıntellekt jáne kólik aǵyndaryn avtomatty basqarý tehnologııalaryn engize otyryp, ótkizý pýnktterin qaıta jańǵyrtý kózdelip otyr. Qytaıdyń Eksımbankiniń qaryzy aıasynda Ahýaldyq ortalyq qurylysyn salý jáne 9 avto ári 1 temir jol ótkizý pýnktin jańǵyrtý josparlanýda. «Nur joly» ótkizý pýnktiniń úlgisi boıynsha, basqa da ýchaskelerde «Elektrondy kezek» júıesi engiziledi. Bul mobıldi qosymsha arqyly kezekke aldyn ala tapsyrys berýge múmkindik beredi», - dedi E. Jamaýbaev.
Budan buryn habarlanǵandaı, QR Qarjy mınıstrliginiń alqa májilisinde QR Premer-Mınıstriniń birinshi orynbasary Álıhan Smaıylov zańsyz saýda aınalymyna tosqaýyl qoıýǵa qatysty tapsyrma berdi.