Shekaradaǵy baqylaý kúsheıtildi – Dáýren Abaev Qytaıda órshigen koronavırýs jaıly
Mundaı derekti QR Aqparat jáne qoǵamdyq damý mınıstri Dáýren Abaev keltirdi, dep habarlaıdy QazAqparat tilshisi.
«Shynynda da, Qytaıda taraǵan vırýs taqyryby óte rezonansty sıpatqa ıe boldy. Bizdiń azamattardyń alańdaýyn túsinýge bolady. Búgin Densaýlyq saqtaý mınıstrligi baspasóz máslıhatyn ótkizip, júrgizilgen aldyn alý sharalary týraly naqty aıtyldy. Shekaradaǵy baqylaý kúsheıtildi. Bizdiń elshilik pen konsýldyq sondaǵy azamattarmen baılanysta. Shekaradaǵy ótkizý pýnkterinde bári de kontaktsyz termomıtrııadan ótedi. Bortseriktermen, jolaýshylar poıyzynyń jolserikterimen profılaktıkalyq sharalar júrgizilýde. Qytaıǵa bara jatqandar úshin arnaıy jadynama daıyndaldy», - dedi mınıstr «Ashyq dıalog» baǵdarlamasynda.
Dáýren Abaevtyń keltirgen deregine sáıkes, shekarada qazirdiń ózinde 15 myńǵa tarta azamat tekserilgen.
«Aýrý belgileri ol tekserýlerde anyqtalǵan joq. Álbette, bári de jaǵdaıdy baqylaýda ustap otyr», - dedi Dáýren Abaev.
Eske sala ketsek, búgin Ortalyq kommýnıkatsııalar ortalyǵynda ótken brıfıngte QR Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıteti tóraǵasynyń orynbasary Jandarbek Bekshın Qytaıda órship jatqan koronavırýs Qazaqstan aýmaǵynda tirkelmegenin málim etken edi.
