Shekaradaǵy 9 avtomobıl jáne 1 temirjol ótkizý pýnkti jóndeledi
ASTANA. QazAqparat – Bıyl 9 avtomobıl jáne 1 temirjol ótkizý pýnktin jóndeý jumystary bastaldy. Bul týraly Ortalyq kommýnıkatsııalar qyzmetinde ótken brıfıngide Qarjy mınıstrligi Memlekettik kirister komıteti tóraǵasynyń orynbasary Baqytjan Slıamov aıtty, dep habarlaıdy QazAqparat tilshisi.
«Júrgizilgen rekonstrýktsııalardyń oń áserin, kólik aǵynynyń ósýin jáne tólemderdiń túsýin eskere otyryp, Memlekettik kirister komıteti bıyldan bastap EAEO syrtqy shekarasyndaǵy 9 avtomobıl, 1 temirjol ótkizý pýnktin jáne Astana qalasyndaǵy Memlekettik kirister komıtetiniń bas dıspetcherlik basqarmasyn rekonstrýktsııalaýdy bastady», - dedi Baqytjan Slıamov.
Onyń aıtýynsha, 9 avtomobıl ótkizý pýnkti boıynsha jobalyq-smetalyq qujattama ázirlengen. Josparǵa sáıkes, barlyq beketterdegi jóndeý jumystary 2024 jyldyń sońynda aıaqtalmaq.
