Shekaradaǵy zańsyz deldaldar: Ulttyq qaýipsizdik komıteti 17 kúdiktini ustady
ASTANA. KAZINFORM – Bıyl 12 maýsymda Túrkistan oblysynda UQK polıtsııamen birlesip jáne prokýratýranyń úılestirýimen qylmystyq toptyń zańsyz qyzmetiniń joly kesildi.
Tergeý málimetteri boıynsha, top músheleri memlekettik shekara arqyly ótý kezinde kedendik rásimderdi jedeldetip ótkizý úshin aýyr júk kólikteriniń júrgizýshilerine zańsyz deldaldyq qyzmetter uıymdastyrdy degen kúdikke ilindi.
Jınalǵan materıaldardyń negizinde 17 adamǵa qatysty sotqa deıingi tergep-tekserý bastaldy. olardyń beseýi ýaqytsha ustaý ızolıatoryna qamaldy.
Tintý barysynda 5 birlik atys jáne pnevmatıkalyq qarý, iri kólemdegi aqsha qarajaty, sondaı-aq ózge de zattaı dáleldemeler tárkilendi.
Qylmystyq-protsestik kodeksiniń 201-babynyń 1-bóligine sáıkes ózge aqparat jarııa etýge jatpaıdy.
Shekarany zańsyz jaıaý kesip ótken sheteldik Aqtóbede ustalǵanyn jazǵan edik.
