Shekaradaǵy qylmystardy jasandy ıntellekt anyqtaıdy: Senat zańdy talqylady

Keden salasynda sybaılas jemqorlyqpen kúres baǵytynda keler jyly sońǵy býyndy tehnologııalar engiziledi, dep habarlaıdy QazAqparat.

Búgin Senattyń jalpy otyrysynda «Qazaqstan Úkimeti men Ózbekstan Úkimeti arasyndaǵy Qazaqstan-Ózbekstan kedendik shekarasy arqyly qubyrjol kóligimen jáne elektr berý jelileri boıynsha energııa resýrstaryn ótkizý kezindegi birlesken kedendik baqylaý týraly kelisimdi ratıfıkatsııalaý týraly» Zańyn talqylandy.

Osy oraıda senator Gennadıı Shıpovskıh bolashaqta kedendik baqylaýda jasandy ıntellektini qoldaný jospary jaıynda surady.

Óz kezeginde Qarjy vıtse-mınıstri Erjan Birjanov salada sońǵy býyndy tehnologııalardy engizý jalǵasyp jatqanyn aıtty.

«Qazir biz ınspektorlyq tekserý keshenderi arqyly túsiriletin rentgen sýretteri adamı faktordy azaıtý úshiniske asyrylyp jatyr. ıAǵnı bul baǵytta jasandy ıntellekt engizip otyrmyz. Osy turǵyda jemqorlyq jaǵdaılaryn azaıtyp, zańsyz áreketterdi avtomatty túrde anyqtaýǵa múmkindik beredi», – dedi E. Birjanov.

Onyń aıtýynsha, qazir qyzmetkerler jeton qoldanǵan kezde aýdıo jazbany adam emes, jasandy ıntellekt tekseredi. Bul sońǵy býyndy tehnologııalar sybaılas jemqorlyqpen kúresýge baǵyttalǵan.

«Osy baǵytta kúmándi ári qaýipti sózderdi anyqtaý júıesin engizý eskerilgen. Bul rette qazir testileý is-sharalary júzege asyrylyp jatyr. Keler jyly jańa baqylaý túrlerin engizemiz», – dedi vıtse-mınıstr.