Shekaradaǵy elektrondy kezek – Memlekettik kirister komıteti túsinikteme berdi
ASTANA. KAZINFORM – Memlekettik kirister komıteti júk kólikteriniń Qazaqstan shekarasynan ótý tártibine qatysty túsinikteme berdi. Endi bul úderis avtomattandyrylǵan elektrondy kezek arqyly júzege asady, dep habarlaıdy KazInform tilshisi.
Kezekpen – ereje boıynsha, kezeksiz – 100 AEK
2023 jyldyń 27 maýsymyndaǵy №707 buıryqqa sáıkes, elektrondy kezek júıesi barlyq júk kólikterine qatysty qoldanylady. ıAǵnı, tirkemesi bar nemese tirkemesiz kólikter, onyń ishinde tirkeme súıreıtin kólik quraly (sedelnyı tıagach) da osy júıe arqyly shekaradan ótedi. Kezekke kólik ıesiniń ózi nemese júrgizýshi tirkele alady.
– Kádimgi elektrondy kezekpen shekaradan ótý aqysy – 1 aılyq eseptik kórsetkish. Al kezeksiz (jedel) ótý – 100 AEK, – delingen komıtettiń resmı jaýabynda.
Alaıda, shekaradan kezeksiz ótý múmkindigi shekteýli: kúndik ótkizý múmkindiginiń 15 paıyzynan aspaýy kerek. ıAǵnı, suranys kóp bolǵan kúnniń ózinde, júrgizýshilerdiń kóbi bul qyzmetti paıdalana almaı qalýy múmkin.
Jol jóndeý jumystary men jańa kútý aımaqtary
Memlekettik kirister komıteti shekaradaǵy jaǵdaıdyń áli de retke kelmegenin jasyrmaıdy. Mysaly, basty ótkizý beketteriniń biri – «Jaısan» pýnkti kúnine bar bolǵany 300 júk kóligin ǵana ótkize alady. Al osy beketke aparatyn respýblıkalyq mańyzdaǵy A-24 jolynyń bir bóligi áli jóndelip jatyr. Jóndeý jumystary bıyl shildeniń ortasynda ǵana aıaqtalady dep josparlanǵan.
Mundaı ınfraqurylymdyq qıyndyqtar tsıfrlyq júıelerdiń tıimdiligin shekteıdi. Elektrondy kezek engizilgenimen, jol men ótkizý beketiniń tarlyǵy sııaqty naqty máseleler áli de sheshilmeı otyr.
– Osy júktemeni azaıtý úshin Mártók aýdanynyń ákimdigi shekara mańynan 11 gektar jer bólip, sol aýmaqta kólikterge arnalǵan kútý aımaǵyn salýǵa sheshim qabyldaǵan. Qurylys jumystaryn júrgizetin kompanııa da tańdalyp qoıǵan, – dep habarlady komıtet.
Tólem jasaýdyń tórt tásili
Elektrondy kezek júıesiniń qyzmetine tólem jasaýdyń tórt túrli tásili qarastyrylǵan. Olar: • Kaspi.kz arqyly QR-kodpen tóleý; • eGov elektrondy úkimet portaly (Visa, MasterCard, Maestro, American Express kartalary jaraıdy); • Halyk Bank-tiń onlaın tólem qyzmeti; • Sheteldik bankterdegi esepshottardan tikeleı aýdarym jasaý arqyly.
Alaıda bul júıe ázirge ınterneti turaqty jáne banktik qyzmetterdi belsendi paıdalanatyn adamdar úshin ǵana yńǵaıly. Al shalǵaı eldi mekenderdegi keıbir júrgizýshiler men jekelegen tasymaldaýshylarda turaqty ınternet te, bank shoty da bolmaýy múmkin. Mundaı jaǵdaıda bul júıemen jumys isteý qıyndyq týǵyzýy bek múmkin.
Elektrondy kezek júıesiniń operatory – “Aqparattyq-esepteý ortalyǵy” AQ. Bul mekemeniń 100% aktsııasy QR Qarjy mınıstrligine tıesili.
Júıe synaqtan ótip, pılottyq jobada tekserildi
Elektrondy kezek júıesi kezeń-kezeńimen engizildi. Pılottyq joba retinde ol 2022 jylǵy 22 jeltoqsan men 2023 jylǵy 1 shilde aralyǵynda synaqtan ótti. Sol ýaqyt ishinde 126 myńnan astam bron jasalǵan.
Komıtettiń málimetinshe, bul júıe aqparattyq qaýipsizdik talaptaryna tolyq saı keledi. Testileýdi UQK-niń Memlekettik tehnıkalyq qyzmeti júrgizgen.
«Aqparattyq-esepteý ortalyǵy» – buǵan deıin tórt birdeı tsıfrlyq platformany jasap, sátti iske qosqan tájirıbeli uıym. Sonymen qatar qajetti tehnıkalyq qural-jabdyqtarǵa ıe. Oǵan qosa ulttyq kýálandyrý ortalyǵy, jeke jáne zańdy tulǵalar derekqory, mekenjaı regıstri sekildi memlekettik bazalarmen tolyq ıntegratsııalanǵan.
Elektrondy kezek júıesiniń tıimdiligin arttyrý úshin operator tarapynan qoldanystaǵy erejelerge ózgerister engizý bastamasy kóterilgen. Sonymen qatar kútý aımaqtarynyń ınfraqurylymyn memlekettik-jekemenshik áriptestik aıasynda damytý josparlanyp otyr.
Esterińizge sala keteıik, Qytaımen shekarada «Dostyq-avtomobıl» jańa ótkizý pýnkti jumys isteı bastady.