Shekarada zańsyz zoopark ustaldy
NUR-SULTAN. QazAqparat - Qordaılyq shekarashylar «Qarasý» kólikti baqylaý pýnktinde «Fort Tranzıt» avtokóligimen qujatsyz ákele jatqan haıýanattar tárkilendi, dep habarlaıdy QazAqparat QR UQK Shekara qyzmetine silteme jasap.
«Fort Tranzıt» avtokóligimen 15 jabaıy mysyq, 25 kirpi, 10 qoıan jáne 3 ponı alyp kele jatqan 31 jastaǵy qazaqstandyqty ustaldy. Janýarlar Jambyl oblysynyń maldárigerlik qyzmetine tapsyryldy», delingen habarlamada.
Shekarashylar 23 naýryzda Qostanaı shekara otrıadynyń «Qaıraq-avto» bólimshesinde Reseıden Qazaqstanǵa kele jatqan 45 jastaǵy RF azamatynyń jekemenshik «Volvo» avtokóliginen «Groza-041» travmatıkalyq tapanshasyn jáne onyń oq-dárilerin tapty. Ustalǵan azamat qarý-jaraǵymen Qarabalyq aýdandyq polıtsııa bólimine tapsyryldy.
Sol kúni «Merke» tekserip-ótkizý pýnktiniń «Aısha Bıbi-avto» bólimshesinde 100 lıtrden astam dızel otynyn, Qordaıda 500 lıtr AI-92 benzınin elden zańsyz shyǵarmaq bolǵan Qyrǵyz eliniń 4 azamaty ustady.
«Sypataı batyr» ótkizý pýnktinde kórshi elden jaıaý kele jatqan 27 jastaǵy qazaqstandyqtyń qol júginen ártúrli markaly 2 460 qorap temeki tabylyp, Merke aýdany boıynsha Memlekettik kiris departamentine tapsyryldy.
Saryaǵash shekara otrıadynyń «B.Qonysbaev» bólimshesinde Qazaqstanǵa kele jatqan 31 jastaǵy Ózbekstan azamatynyń «Daewoo lacceti» avtokóliginiń júksalǵyshynan 70 kg nasybaı tabyldy.
