Shekarada ustalǵan dári-dármek Jambyl oblysynyń densaýlyq saqtaý basqarmasyna berildi

TARAZ. QazAqparat - 19 mln teńgeniń dárilik preparattary Jambyl oblysynyń densaýlyq saqtaý basqarmasyna tapsyryldy, dep habarlaıdy QazAqparat Qarjy monıtorıngi komıtetine silteme jasap.

Jambyl oblysy boıynsha ekonomıkalyq tergeý departamenti oblystyń shekara qyzmetkerlerimen birlesip, Qordaı aýdanynyń «Qarasý» shekara beketinde qujatsyz dári-dármek tasymaldaǵan júk kóligin ustady.

Atalǵan fakti boıynsha QR QK 214-baby 1-bólimine sáıkes sotqa deıingi tergeý bastaldy.

Kóliktiń júksalǵyshynan quny 19 mln teńgeden asatyn preparattardyń 20-ǵa jýyq túri tabylyp, tárkilendi.

Qazirgi tańda barlyq taýar tárkilenip, alynǵan dárilik zattar Jambyl oblysy ákimdiginiń densaýlyq saqtaý basqarmasyna tapsyryldy.