Shekarada tárkilengen zattar: qarý, dinı ádebıet, 4 mlrd teńgeniń taýarlary

Shildede shekarada 4,7 myń zań buzýshy ustaldy. Bul týraly UQK baspasóz qyzmeti habarlady. 

UQK Shekara qyzmeti Memlekettik shekarany kúzetý men qorǵaýdy qamtamasyz etý aıasynda 2025 jylǵy shildede quzyrly organdarmen ózara árekettese otyryp shekara keńistiginde 4 725 Qazaqstan Respýblıkasynyń zańnamalaryn buzýshylardy ustady, sonyń ishinde 4 132 shetel azamattary.

Memlekettik shekara arqyly 1 462 zańsyz alyp ótý faktileriniń aldy alyndy, sonyń ishinde:

60 fakti — qarýlar men oq-dáriler;

25 fakti — dinı ádebıet (627 dana);

524 fakti — jalpy mólsheri 35 tonnaǵa jýyq janar-jaǵarmaı materıaldary;

682 fakti — jalpy somasy 4,2 mlrd teńgeden astam halyq tutyný taýarlary;

171 fakti — jalpy somasy 1,7 mlrd teńgeden astam shetel valıýtasy.

Kaspıı akvatorııasynda 51 brakonerlik faktiniń aldy alyndy, sondaı-aq:

14 dana — júzý quraldary;

shamamen 20 km — tor, brakonerlik aýlaý quraldary.

Aldy alynǵan zalal somasy shamamen 116 mln teńge.

Bul faktiler boıynsha materıaldar buzýshylardy jaýapkershilikke tartý úshin quqyq qorǵaý jáne sot organdaryna jiberildi.

Memlekettik shekarada qandaı da bir shekteý sharalary engizilgen joq.

— «Syrym» ótkizý pýnktinde jańartý jáne qurylys-montaj jumystarynyń bastalýyna baılanysty 2025 jylǵy 4 tamyzdan bastap júk avtokólik quraldaryn qospaǵanda, shekaradan ótýge ýaqytsha shekteýler engiziletinin habarlaımyz. Basqa ótkizý pýnktteri qalypty rejımde jumysyn jalǵastyra beredi. Osy jaǵdaıdy eskerip, marshrýttaryńyzdy aldyn ala josparlaýyńyzdy suraımyz, — delingen komıtet habarlamasynda. 

Aıta ketelik júk kólikteri Qazaqstan men Qytaı shekarasynan júrgizýshisiz ótetini týraly jazǵan edik.