Shekarada Reseıde urlanǵan qymbat kólik ustaldy
PETROPAVL. QazAqparat - Qazaqstanǵa kele jatqan 23 jastaǵy reseıliktiń astyndaǵy kóligi urlanǵan bolyp shyqty, dep habarlaıdy QazAqparat QR UQK ShQ baspasóz qyzmetine silteme jasap.
«Petropavl shekara otrıadynyń «Janajol avto» bólimshesinde búgin túnde (9 sáýir tańǵy saǵat 4-ter shamasynda) Jaguar avtokóligimen Qazaqstanǵa kele jatqan 23 jastaǵy reseılik ustaldy. Shekarashylarǵa kóliktiń qujattary kúdikti kórindi.
Budan bólek, shekarashylardyń nazarynan avtokóliktiń bul adamdyki emestigin baıqatatyn birneshe belgi tys qalmaǵan edi. Shekarashylardyń saýaldary tyǵyryqqa tiregen azamat aqyry avtokóliktiń urlanǵandyǵyn moıyndady», delingen habarlamada.
Ustalǵan sheteldik avtokólikpen birge Mamlıýt aýdandyq polıtsııa bólimine tapsyryldy.
