Shekarada qujaty joq dári-dármek tárkilendi
ASTANA. QazAqparat - Ótken táýlik ishinde Qazaqstan - Qytaı shekarasynda medıtsınalyq dári-dármekterdi zańsyz túrde shekaradan ótkizbek bolǵan azamat ustaldy, dep habarlaıdy QR UQK ShQ baspasóz qyzmeti.
Atap aıtqanda, «Qorǵas» baqylaý-ótkizý beketiniń shekara jasaǵy Qytaı elinen Qazaqstanǵa kele jatqan 32 jastaǵy otandasymyzdy ustaýǵa májbúr boldy. Onyń jeke zattaryn qaraý kezinde arasynan ilestirme qujattary joq, salmaǵy 25 kg bolatyn qytaı elinde shyǵarylǵan dári-dármekter tabyldy.
Atalǵan derek boıynsha ózara árekettes quqyqqorǵaý organdary habarlandyryldy.
