Shekarada kontrabandalyq áshekeı buıymdarmen Qyrǵyzstan azamaty ustaldy
ASTANA. 10 qarasha. QazAqparat - Qyrǵyzstandyq azamat altyn men kúmisten jasalǵan áshekeı buıymdardy shekara arqyly alyp ótpek boldy,
dep habarlaıdy QR Ulttyq qaýipsizdik komıtetiniń baspasóz qyzmeti.
«Ońtústik» aımaqtyq basqarmasynyń «Qordaı» shekaralyq baqylaý bóliminiń shekarashylary 9 qarashada Qazaqstanǵa jeke avtokóligimen kele jatqan Qyrǵyz Respýblıkasynyń azamatyn toqtatty. Jeke tekserý kezinde kólik ishinde qupııa qaltarys tabyldy. Ol jerde jalpy salmaǵy 4 kg. asatyn kúmis áshekeıler men 149 gramm altyn áshekeıler tabyldy.Ustalǵan azamat «Qordaı» keden beketiniń qyzmetkerlerine tabystaldy, tergeý júrgizilýde.
Osy kúni kórshi respýblıkanyń taǵy eki azamaty ustaldy. Olar Qazaqstannan Qyrǵyzstanǵa eki júk kóligimen 4 340 lıtr AI-80 benzınin alyp bara jatqan. Olarda benzındi el aýmaǵynan áketýge ruqsat beretin arnaıy qaǵazdary bolmaı shyqty. Kontrabandashylar barlyq júkterimen birge «Aısha bıbi» keden beketiniń qyzmetkerlerine tabys etildi.
